Qostanaıdaǵy halyqaralyq áýejaı jóndeýge jabylady
QOSTANAI. QazAqparat - Qostanaıdyń halyqaralyq áýejaıy 2019 jylǵy maýsym-qyrkúıek aılarynda áýe qatynasyn ýaqytsha toqtatady, dep habarlaıdy QazAqparat.
Aqparatty oblystyq kásipkerlik jáne ındýstrıaldy-ınnovatsııalyq damý basqarmasy taratty.
«Jóndeý jumystarynyń júrgizilýine baılanysty áýejaı 2019 jyldyń 1 maýsymynan bastap 15 qyrkúıegine deıin jabylady. Osyǵan baılanysty kásipkerlik basqarmasy týrıstik kompanııalarǵa resmı hat jiberdi. Osy aralyqta Qostanaıdan ushyp shyǵý úshin áýe bıletterin satyp alǵandarǵa tasymaldaýshylarǵa júgingeni jón ekenin eskerttik», - delingen vedomstvonyń baspasóz habarlamasynda.
Aıta ketý kerek, aldaǵy jóndeý jumystary týraly ótken jyldyń sońynda habarlandy. Áýejaı 2018 jyldyń qyrkúıek aıyna deıin QR Investıtsııalar jáne damý mınıstrliginiń balansynda tirkeldi. Atalǵan nysan jaqynda respýblıkalyq menshik tiziminen alynyp tastalyp, kommýnaldyq menshikke ótti.
Biz buǵan deıin Qostanaıdyń halyqaralyq áýejaıynda jańa reıster ashylýy múmkin ekenin jazǵan bolatynbyz.
