Qostanaıdaǵy birneshe kósheniń turǵyndary aýyz sýsyz qaldy

QOSTANAI. QazAqparat - Oblys ortalyǵyndaǵy birneshe kóshedegi turǵyn úıler aýyz sýdan ajyrady, dep habarlaıdy «QazAqparat» HAA tilshisi.

«Qostanaı Sý» kommýnaldyq mekemesiniń baspasóz hatshysy Maıa Aqbasovanyń aıtýynsha, aýyz sýdyń toqtatylýyna apattyq jaǵdaılar sebep bolǵan.

«26 aqpan kúni tańǵy 07:38-de Amangeldi-1 mamyr kósheleriniń qıylysyndaǵy qubyr jelisiniń isten shyqqany týraly habar kelip tústi. Mamandar sý berýdi toqtatty. Sol sebepti birneshe kósheniń boıyndaǵy turǵyn úıler aýyz sýdan ajyrap qaldy. Jóndeý jumystary búgin aıaqtaldy», - dedi Aqbasova agenttik tilshisine.

Keıin anyqtalǵandaı kóshe qıylysyndaǵy dıametri 200 mm qubyr jelisi jarylǵan.  «Qostanaı Sý» mamandarynyń aıtýynsha, qubyr 48 jyldan beri paıdalanylyp keledi.