Qostanaıdaǵy birneshe aýylda ýaqytsha jaryq bolmaıdy

QOSTANAI. QazAqparat – 26-27 qazan kúnderi aralyǵynda Qostanaı qalasyna jaqyn ornalasqan birneshe aýylda jaryq ýaqytsha sóndiriledi. Mundaı habarlama «EPK-forfait» qalalyq elektr jelileri jaýapkershiligi shekteýli seriktestiginiń resmı saıtynda jarııalandy, dep habarlaıdy QazAqparat tilshisi.

«Qurmetti abonetter! Josparly jumystardy oryndaýǵa baılanysty qala mańyndaǵy birneshe seloda jaryq berý ýaqytsha toqtatylady.

26 qazanda saǵat 10:00-17:00 aralyǵynda Begejan, Ýlıanov selolarynda jaryq ajyratylady. Al 12:00 men 17:00 aralyǵynda Shıshkın jáne Jýkov aýyldarynda jaryq sóndiriledi. 27 qazan kúni saǵat 11:00-den 17:00-ge deıin Nadejdın, Maıkól selolarynda elektr jaryǵy bolmaıdy. Sonymen qatar, 26-27 qazan kúnderi saǵat 10:00-17:30 aralyǵynda Jýkov aýylynyń Shkolnaıa, Molodejnaıa, Tselınnaıa kósheleri elektr jelilerinen ajyratylady», - delingen habarlamada.

Qosa ketsek, taıaýda Energetıka mınıstri Bolat Aqsholaqov elektr energııasy naryǵyna kóp kólemde ınvestıtsııa tartý úshin qoldanystaǵy tarıfti 1 MVt úshin aıyna 590 myń teńgeden 885 myń teńgege deıin kóterýdi usyndy.

Ashyq kózderden alynǵan foto