Qostanaıdaǵy bas dáriger ólimi: Aıyptaýshy Izaldınany 25 jylǵa sottaýdy surady
QOSTANAI. QazAqparat - Búgin Qostanaı mamandandyrylǵan aýdanaralyq sotynda Qostanaı oblystyq psıhdıspanseriniń burynǵy bas dárigeri Rashıda Sandybaevanyń ólimine qatysty istiń jaryssózi bastaldy, dep habarlaıdy «QazAqparat» HAA tilshisi.
Sot otyrysy is fragmentterimen tanystyrǵan memlekettik aıyptaýshynyń sózinen bastaldy. Júrgizilgen memlekettik aıyptaý jumystarynyń qorytyndysy boıynsha prokýrorlar Záýresh Izaldınaǵa 25 jyl bas bostandyǵynan aıyrý jazasyn surap otyr. Aıyptaýshy jaq sondaı-aq, kinásin jeńildetetin jaǵdaılardy esepke alýdy suraıdy. Izaldına men Gafarovqa qatysty jeńildetý jaǵdaılaryna kishkentaı balalarynyń bolýy negiz boldy.
«Izaldınaǵa 28-baptyń 3-bóligi boıynsha múligin tárkileı otyryp 15 jylǵa bas bostandyǵynan aıyrý, 28-baptyń 3-bóligi, 24-baptyń 1-bóligi boıynsha múlkin tárkileı otyryp 10 jylǵa bas bostandyǵynan aıyrý jazasy taǵaıyndalsyn. 194-baptyń 1-tarmaǵy boıynsha múlkin tárkileı otyryp, tórt jylǵa, 28-baptyń 3-b, 24-bóligi 3, 188-b 4 boıynsha múlkin tárkileı otyryp 6 jylǵa bas bostandyǵynan aıyrý jazasy taǵaıyndalsyn. Іshinara qosý jolymen múligin tárkileı otyryp tolyqtaı 25 jylǵa bas bostandyǵynan aıyrý jazasy kesilsin. 46-baptyń 5-bóligi 2-tarmaǵyna sáıkes jazasyn óteý orny ortasha qaýipsiz mekemesine taǵaıyndalsyn», - dedi sot úkimimen tanystyrǵan memlekettik aıyptaýshy Tımýr Shektibaev.
Aıyptaýshy tarap Rýslan Ǵafarovqa múligin tárkileı otyryp 25 jyl, Bolat Qytybaevqa - 24 jyl, Vıktor Kodatenkoǵa 15 jyl bas bostandyǵynan aıyrý jazasyn surap otyr.
Aıta keteıik, Izaldına oblystyq psıhıatrııalyq aýrýhananyń burynǵy bas dárigeri Rashıda Sandybaevanyń ólimin uıymdastyrýǵa qatysty aıyptalǵan bolatyn. Sonymen qatar, Izaldına, Gafarov, Kodatenko, Qytybaev «Іri kólemdegi alaıaqtyq», «Turǵyn úıge zańsyz kirip, aldyn ala sóz baılasý arqyly asa iri kólemde urlyq jasaýdy uıymdastyrý», «Aldyn ala sóz baılasý arqyly tulǵalar tobymen eki jáne odan da kóp adamdy óltirýdi uıymdastyrý», «Aldyn ala sóz baılasý arqyly kisi ólimin uıymdastyrý» sekildi birneshe aýyr baptar boıynsha aıyptalǵan bolatyn. Uıymdasqan topty urlyq jasaýǵa Záýresh Izaldına ıtermelep otyrǵan. Tipti, ol jaqyn tanystarynyń dúnıe-múlkin, qomaqty qarajatyn tonaýǵa nusqaý bergen.
