Qostanaıdaǵy balalarǵa arnalǵan saýyqtyrý lagerleri birinshi demalýshylaryn qabyldady
QOSTANAI. 18 maýsym. QazAqparat - General Bákirov atyndaǵy demalys bazasynda onalasqan qostanaılyq balalardy saýyqtyrý ortalyǵyndaǵy birinshi jazǵy maýsym saltanatty túrde ashyldy.
Ashylý rásimine Qostanaı oblysynyń ákimi Nuraly Sádýaqasov qatysty.
Aımaq basshysy demalyp jatqan oqýshylardy maýsymnyń ashylýymen quttyqtap, olarǵa jarqyn ári umytylmas demalys tiledi. Ákimniń habarlaýynsha, oblystyń qala syrtyndaǵy 13 lagerde eki myńnan astam balalar demalýda, taǵy bes myńnan astamy mektep janynda, shatyrlarda, ekologııalyq jáne sporttyq lagerlerde demalýda.
Oblys ákiminiń baspasóz qyzmetiniń aqparatynsha, lager N.Sádýaqasovtan syılyqqa sporttyq qural-jabdyqtardyń jıyntyǵyn aldy. Rýdnyı jáne Qostanaıdaǵy balalar úıiniń túlek qyzdary oblys basshysynyń qolynan planshettik kompıýterler aldy.
