Qostanaıdaǵy áýejaıdyń termınaldary kóbeıtiledi
QOSTANAI. QazAqparat - 2019 jyly Qostanaıdaǵy halyqaralyq áýejaıdyń termınaldary kóbeıedi. Bul týraly Qostanaı qalasyn kórkeıtýge arnalǵan keńeste Arhımed Muhambetov málimdedi, dep habarlaıdy QazAqparat tilshisi.
Oblys basshysy aıtqandaı, kelesi jyldyń sońyna deıin Qostanaı áýejaıyndaǵy termınaldar sany kóbeıedi.
«Bıyl áýejaıdyń ushý-qoný jolaǵyn jóndeýdi bastaımyz. Qaıta jóndeýden ótken soń uzyndyǵy 2,8 shaqyrym jolaqqa ıe bolamyz. Bul kez kelgen reısterdi qabyldaýǵa múmkindik beredi. ıAǵnı, qalaǵa keletin týrıster men ınvestorlar kóbeıedi. Sondyqtan da termınaldardy durys qalypqa keltirýdi tapsyramyn. Jańa joba qajet. Áýejaı ishinen birneshe VIP, SIP bólmeler, fýdzal men turaqjaı ashyńyzdar. Qysqasy, áýejaı týrıstik nysanǵa aınalýy tıis. Kelýshiler qyzyǵatyn oryn jasaýymyz kerek», - dedi óńir basshysy.
Aıta keteıik, atalǵan nysan Qazaqstan Respýblıkasy Investıtsııalar jáne damý mınıstrliginiń ıeliginde. Ol Qostanaı qalasy tóńireginiń ońtústik-batys jaǵynan 2 shaqyrym jerde jáne ákimshilik ortalyǵynan 5,6 shaqyrym qashyqtyqta ornalasqan. Áýejaı halyqaralyq mártebege ıe. Bir jyldaǵy reıs sany - 1 700. Jetkiziletin júkterdiń, poshtanyń kólemi - 250 tonnadan asady.
