Qostanaıdaǵy atyshýly sýshı-bar jabylýy yqtımal
ASTANA. QazAqparat - Qostanaıdaǵy atyshýly sýshı-bar jabylýy yqtımal. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde QR Tutynýshylar quqyǵyn qorǵaý agenttiginiń tóraǵasy Bolatbek Qýandyqov málim etti.
«Tamaqtan jappaı ýlaný oqıǵasy Qostanaı oblysynda sýshı-barda oryn alǵan bolatyn. Birsypyra adam sol jerden tamaqtanǵannan keıin, aýrýhanaǵa túsken. Bul jerde tıisinshe qylmystyq is qozǵaldy, qazirgi kezde ony jabýǵa talap qoıyp otyrmyz. Eń sońynda oǵan sot sheshim shyǵarady», - dep atap ótti B.Qýandyqov.
Eske sala keteıik, sáýir aıynyń orta tusynda Qostanaıda sýshı-barda tamaqtanǵan 13 adam astan ýlanyp, aýrýhanaǵa túsken bolatyn. Qazirgi ýaqytta sýshı-bar sýyq sý joq degen jeleýmen jabylyp qalǵan.
