Qostanaıdaǵy alapat órtke sebepker dep tanylǵan traktorshyǵa qatysty úkim shyqty
Jergilikti quzyrly organnyń dereginshe, buǵan deıin sottalýshyǵa onyń traktorynan shashyraǵan shoq Áýlıekól aýdanyndaǵy alapat órtke sebep boldy degen aıyp taǵylǵan.
«Áýlıekól aýdandyq sotymen Aleksandr Rapeıko «Bótenniń múlkin joıý, zaqymdaý, aýyr zardaptarǵa ákep soqqan nemese asa iri otqa ne qaýipipi joǵary basqa da kózdermen abaısyz jumys isteý nátıjesinde iri kólemdegi zııan keltirý» baby boıynsha aıyptaldy. Іs sotqa sottalýshynyń prokýrormen kináni moıyndaý týraly protsessýaldyq kelisimimen keldi. Protsessýaldyq kelisimde prokýror sottalýshyny QR Qylmystyq kodeksiniń 204-babynyń 2-bóligimen, 341-babynyń 1-bóligimen kináli dep tanyp, oǵan QK-niń 58-babynyń 2-bóligin paıdalana otyryp, onsha aýyr emes jazany neǵurlym qatań jazaǵa aýystyrý arqyly 1 jylǵa bas bostandyǵynan aıyrýdy suraǵan. Sottalýshy kinásin tolyq moıyndap, protsessýaldyq kelisimdi tolyq qoldady», - dep jaýap berdi oblystyq sottyń baspasóz qyzmetinen tilshi saýalyna oraı.
Joǵaryda atalǵan QR Qylmystyq kodeksiniń tıisti baptary boıynsha aıyptalýshyny 2 jylǵa deıin bas bostandyǵynan aıyrý nemese sol merzimge shartty túrde sottaý jazasy taǵaıyndalady.
«Protsestik kelisimniń shartyna sáıkes jáne jasalǵan qylmystyń sıpaty men qoǵamdyq qaýiptilik dárejesin, is boıynsha jeńildetilgen mán-jaılardyń bar-joǵyn eskere otyryp, Áýlıekól aýdandyq soty ony 1 jylǵa bas bostandyǵynan aıýyrý túrindegi jaza taǵaıyndady. Degenmen Qylmystyq kodekstiń 63-babynyń negizinde Aleksandr Rapeıkoǵa taǵaıyndalǵan bas bostandyǵynan aıyrý jazasy onyń barlyq merziminde probatsııalyq baqylaý belgileý jáne QK-niń 44-babynyń 2-bóligimen kózdelgen mindetter júktelýmen shartty dep tanyldy», - dep málim etti sottyń baspasóz qyzmetinen.
Qosa ketsek, taıaýda Tótenshe jaǵdaılar mınıstri ıÝrıı Ilın Qostanaıdaǵy órtke kináli birneshe laýazymdy tulǵa kúdikke ilingenin málimdep edi.
Eske salaıyq, qyrkúıek aıynda Qostanaı oblysyna qarasty Áýlıekól aýdanynda orman órtengen edi. Birneshe kúnge jalǵasqan órt saldarynan 2 091 adam evakýatsııalanyp, 12 turǵyn túrli jaraqat aldy. Sonymen qatar, Amanqaraǵaı aýylynda 98 úı órtenip ketti.
