Qostanaıdaǵy 40 jyl jóndeý kórmegen áýejaı termınaly qaıta jańǵyrtylady
NUR-SULTAN. QazAqparat – Qostanaı oblysynyń ákimi Arhımed Muhambetovtyń aıtýynsha, termınal 1975 jyldan beri jóndeý kórmegen, dep habarlaıdy QazAqparat tilshisi.
«Osy jazda, 15 maýsymnan bastap biz 40 jylǵa jýyq jóndelmegen ushý-qoný jolaǵyn qaıta jańarttyq. Árıne, bul jumystyń turǵyndar men qonaqtar úshin qolaısyzdyq týǵyzǵany ras. Al qazir ushý-qoný jolaǵynyń ashylǵanyna bir aıdan asty. Birinshiden, jolaq uzaryp, keńeıe tústi. Buryn onyń uzyndyǵy - 2,5 shaqyrym bolsa, qazir - 2,8 shaqyrym. Eni de 45 metrden 60 metrge deıin uzardy. Salmaǵy shamamen 200 tonnalyq ushaqty qabyldaýǵa qaýqarly», - dedi oblys basshysy.
Arhımed Muhambetov endigi mindet - 1975 jyly salynǵan termınaldyń ózin jańǵyrtý ekenin málim etti.
«Oǵan da kúrdeli jóndeý júrgizilmegen. Búginde onyń aýmaǵy - shamamen 5 myń sharshy metr. Dese de, zaman talabyna jaýap bermeıdi. Qazir biz joba ázirlep jatyrmyz. Ol aqpan-naýryz aılarynda daıyn bolady. Osydan keıin qurylys-montaj jumystaryn bastaımyz. Joba qunyn aıta almaımyn. Sebebi, quny jergilikti jáne respýblıkalyq bıýdjet esebinen anyqtalady. Eń mańyzdy mindet - jolaýshylar aǵymyn arttyrý. Qazir áýejaıda saǵatyna 200 jolaýshy ary-beri qatynasa, biz eń tómengi mólsherdi 250-300 adamǵa jetkizgimiz keledi», - dedi ol.
Aımaq basshysy qazirgi tańda áýejaıdan Nur-Sultan, Máskeý, Almaty, tipti Mysyrǵa reıster oryndalyp jatqanyn jetkizdi.
Foto: kostanaytany.kz
