Qostanaıdaǵy Rýdnyı ındýstrııalyq ınstıtýty ýnıversıtetke aınalady

Qostanaı obysynyń Rýdnyı qalasynda ornalasqan ındýstrııalyq ınstıtýttyń ataýy ózgerýi múmkin, dep habarlaıdy Kazinform.

«QR Ǵylym jáne joǵary bilim mınıstrliginiń «Rýdnyı ındýstrııalyq ınstıtýty» kommertsııalyq emes aktsıonerlik qoǵamy Ǵylym jáne joǵary bilim mınıstrliginiń «Rýdnyı ındýstrııalyq ýnıversıteti» kommertsııalyq emes aktsıonerlik qoǵamy bolyp atalsyn», – delingen Ashyq NQA portalynda mınıstr Saıasat Nurbektiń buıryq-jobasynda.

Qujat 3 qarashaǵa deıin kópshilik talqylaýda bolady. Keıin vedomstvo basshysy qol qoıǵan kúnnen qoldanysqa engiziledi.

Eske salaıyq, buǵan deıin Ońtústik Qazaqstan memlekettik pedagogıkalyq ýnıversıtetine memleket qaıratkeri, etnograf, tarıh ǵylymdarynyń kandıdaty Ózbekáli Jánibekovtiń esimi berildi.