Qostanaıdaǵy kópqabatty turǵyn úıdiń páterinde oq atyldy
ASTANA. KAZINFORM — Qostanaıda kópqabatty turǵyn úıdegi páterde qarýdyń abaısyzda atylyp ketý faktisi boıynsha polıtsııa tekserý júrgizip jatyr.
Aldyn ala málimet boıynsha páterde jóndeý jumystary kezinde tegis uńǵyly qarýdan abaısyzda oq atylǵan. Sonyń saldarynan oqtyń izi anyqtalyp, kórshi páterdiń kireberis esigi zaqymdanǵan. Oqıǵa ornyn tekserý kezinde páterden qarý tabylmady.
Oqıǵa ornyna dereý polıtsııa qyzmetkerleri men jedel qyzmet ókilderi keldi. Qaýipsizdikti qamtamasyz etý maqsatynda páterdiń esigi ashylyp, oqıǵa ornyna tekserý júrgizildi.
Qazir polıtseıler oqıǵanyń barlyq mán-jaıyn, qarý ıesiniń qaıda ekenin jáne onyń qarýdy zańdy saqtaǵan-saqtamaǵanyn anyqtap jatyr. Zardap shekkender joq.
Tekserý nátıjesi boıynsha Qazaqstan Respýblıkasynyń qoldanystaǵy zańnamasyna sáıkes protsessýaldyq sheshim qabyldanady.
Buǵan deıin Almatyda túngi ýaqytta oq atylǵanǵa uqsas dybystar estilgen.
