Qostanaıdaǵy avtoparkte avtobýstar órtendi
ASTANA. KAZINFORM – QR Tótenshe jaǵdaılar mınıstrligi baspasóz qyzmetiniń habarlaýynsha, tún ortasynda «101» pýltine kúzetý qyzmetinen Qostanaı qalasyndaǵy avtobýs parkiniń aýmaǵynda avtomobıl boksynan tútin shyqqany týraly habarlama kelip tústi.
Qoıý tútinge qaramastan, gaz-tútinnen qorǵaý qyzmeti barlaý kezinde boksta bes avtobýstyń janyp jatqanyn anyqtady. Órt sóndirýshiler órttiń odan ári taralýyna jol bermeı, 27 qalalyq avtobýstar men boks konstrýktsııalaryn órtten aman saqtap qaldy.
«Órt aldyn ala 220 sharshy metr alańda oqshaýlandy. Naqtylanǵan aqparat boıynsha boksta 5 avtobýs janǵan»,-delingen habarlamada.
Osyǵan deıin Almatyda kópqabatty úıdiń avtoturaǵynda turǵan eki jeńil kólik janyp ketkeni týraly jazdyq. Ol kezde de oqıǵa túngi ýaqytta bolǵan.
