Qostanaıda jylqylaryn zırat mańyna jaıyp júrgen azamat jazalandy
ASTANA. QazAqparat - Qostanaı qalasy aýyl sharaýashylyǵy jáne veterınarııa bóliminiń qyzmetkerleri áýejaı mańyndaǵy jylqylar jaıylyp júrgen beıitti tekserdi, dep habarlaıdy Alau.kz.
Tekserý barysynda jaıylyp júrgen jylqylarmen qatar olardyń ıesi de tabyldy. Ol osy beıittiń mańynadaǵy fermalardyń biriniń qojaıyny bolyp shyqty.
«Qalalar men eldi mekenderdiń kóriktendirý tártibin buzý, ınfraqurylym nysandaryn qıratý, qala men eldi mekenderdiń jasyl jelekterin joıý» 505-bap talaptaryn buzǵany úshin jylqylardyń ıesi jaýapqa tartyldy. Endi oǵan 72 myń 150 teńge kólemindegi aıyppuldy tóleý qajet»,-dedi Qostanaı qalasy ákimdiginiń aýyl shraýashylyǵy bólimi jetekshisiniń mindetin atqarýshy Arman Ahmetqalı.
Áýejaı mańyndaǵy zıratqa «Stıks 2012» JShS-y qyzmet kórsetedi. Olarǵa zıratty jiti baqylaýdy qolǵa alyp, adamdar jerlengen aımaqta maldyń júrýine jol bermeý jóninde keńes berildi.
Aıta keteıik, osyǵan deıin beıitte jaıylyp júrgen jylqylarǵa qatysty qostanaılyqtar shaǵym jasaǵan bolatyn.
