Qostanaıda jylqy izdeýge shyqqan malshy sýǵa batyp ketti
QOSTANAI. QazAqparat - Oblystyq TJD qyzmetkerleri 37 jastaǵy er adamnyń múrdesin sýdan alyp shyqty, dep habarlaıdy QazAqparat.
Aqparatty oblystyq TJD baspasóz qyzmeti taratty. 7 mamyrda Amangeldi aýdanynda ózennen 37 jastaǵy er adamnyń denesi tabyldy.
«Jańaturmys aýylynan 3 shaqyrym jerde jatqan Qarasý ózeniniń shomylýǵa ruqsat etilmegen jerinen malshynyń denesi jaǵaǵa shyǵaryldy. Ol 6 mamyr kúni jylqylaryn izdeýge shyqqan. Sol kúıi habarsyz ketken», - deıdi TJD baspasóz qyzmetindegiler.
Kisi óliminiń sebepteri anyqtalyp jatyr.
