Qostanaıda jylqy izdep ketken áıeldiń máıiti tabyldy
QOSTANAI. QazAqparat - Qostanaı oblysynyń Qarabalyq aýdanynda jylqy izdeýge shyqqan áıeldiń máıiti tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa Kotlovannoe aýylynda bolǵan. Qarabalyq aýdandyq ІІB kezekshi bólimine aýyl turǵyny 58 jastaǵy qyzynyń jylqy izdep ketkenin jáne áli oralmaǵanyn aıtady.
«Atalǵan fakti boıynsha tártip saqshylary izdeý jumystaryn uıymdastyrdy. Polıtseıler áıeldiń denesin Kotlovannoe aýylynan bir shaqyrym jerdegi jol boıynan tapty. Onyń belinde arqan baılanǵany jáne kóptegen dene jaraqattaryn alǵany anyqtaldy», - dep jazady vedomstvonyń baspasóz qyzmeti.
Anasynyń aıtýynsha, jábirlenýshi áıel jazda buǵanasyna zaqym keltirgen. Sol sebepti arqandy ustap, súırete almaıdy. Jylqy áldeneden úrkip ketken soń, ıesin ala qashýy múmkin.
Medıtsınalyq saraptamalar áıeldiń jabyq bas súıek-mı jaraqaty jáne mıyna qan quıylýdan qaıtys bolǵanyn kórsetti.
Bul fakt jazataıym oqıǵa retinde tirkeldi.
