Qostanaıda jyl basynan beri 1 mıllıonnan astam memqyzmet kórsetilgen

QOSTANAI. QazAqparat - Qostanaı oblysynda jyl basynan beri 1 367 857 memlekettik qyzmet kórsetilgen. Sonyń basym kópshiligi, ıaǵnı, 65%-y densaýlyq saqtaý salasyna tıesili, dep habarlaıdy QazAqparat tilshisi.

Óńirdegi memlekettik qyzmetterdiń sapasy týraly oblys ákimi apparatynyń basshysy Arman Ábenov baıandady. Onyń aıtýynsha, memlekettik qyzmetterdiń sapasyn anyqtaý maqsatynda jyl basynan beri 476 monıtorıng jasalǵan. Aýdan, qalalarda 680 aqparattyq-túsindirý jumystary júrgizilipti. Elektrondyq formada kórsetiletin qyzmetter men tsıfrlyq saýattylyq deńgeıin kóterý úshin turǵyndarǵa arnalǵan buryshtar jasalǵan.

«Sońǵy segiz aıdyń qorytyndysynda memqyzmet kórsetý merzimin buzǵan 154 fakt tirkeldi. Onyń ishinde Meńdiqara aýdanynda - 74, Fedorovta - 10, Qostanaı aýdanynda - 8, Taranda - 6, Qarasý, Sarykól, Uzynkól aýdandarynda - 2, Arqalyqta - 9, Qostanaı qalasynda 3 ret qyzmettiń oryndalý tártibi buzylǵan. Áýlıekól, Denısov, Qarabalyq jáne Jitiqara aýdandarynyń árqaısysynda bir faktiden kezdesedi. Aýdan deńgeıinde jasalatyn buzýshylyqtar jumyspen qamtý jáne áleýmettik baǵdarlamalar, bilim, sáýlet, aýyl sharýashylyǵy salalaryna qatysty», - dedi Arman Ábenov. 

Apparat basshysynyń baıandamasyna sáıkes, oblysta memlekettik kórsetiletin qyzmettiń merzimin buzýǵa jol bergen 92 jaýapty tulǵaǵa tártiptik jaza qoldanyldy. Sonyń 71-ne eskertý, 17-ne sógis, 4-ne qatań sógis berilgen.