Qostanaıda júrgizýshi velosıped mingen áıeldi qaǵyp, qashyp ketken
QOSTANAI. QazAqparat – Búgin Qostanaıda 44 jastaǵy áıeldi avtokólik qaǵyp ketti, dep habarlaıdy QazAqparat tilshisi Qostanaı oblysy departamentiniń baspasóz qyzmetine silteme jasap.
Búgin tańerteń Táýelsizdik jáne Borodın kósheleriniń qıylysynda «Vaz 2115» avtokóliginiń júrgizýshisi velosıped mingen áıeldi qaqty. «Jol apaty saldarynan 44 jastaǵy velosıpedshi áıel túrli jaraqatpen aýrýhanaǵa jetkizildi. Ol sol jerde qaıtys bolǵan. Júrgizýshi oqıǵa ornynan qashyp ketken. Qazirgi kezde kúdikti ustaldy», - dep túsindirdi polıtsııa departamentinen.
Jol apaty faktisi boıynsha «Abaısyzda adam ólimine ákep soqqan jol qozǵalysy erejelerin buzý» babyn qarastyratyn sotaldy tergeý bastaldy.
Saraptamalar taǵaıyndaldy, ári qaraıǵy tergeý áreketteri júrip jatyr.
Qostanaı oblysy polıtsııa departamentiniń aqparatynsha, jyldyń basynan beri 104 jol-kólik oqıǵasy bolǵan, saldarynan 26 adam qaıtys bolyp, 122 adam zardap shekken.
