Qostanaıda júrgizýshi áıel eki qyzdy qaǵyp ketti
QOSTANAI. QazAqparat - Qostanaıda róldegi kelinshek eki kishkentaı qyzdy kólikpen soǵyp ketti, dep habarlaıdy QazAqparat tilshisi Qostanaı oblystyq ІІD baspasóz qyzmetine silteme jasap.
«Toyota Camry» avtokóliginiń 29 jastaǵy júrgizýshisi Gogol kóshesiniń boıymen kele jatyp, Altynsarın kóshesine burylǵan kezde jaıaý kele jatqan 11 jáne 14 jastaǵy eki qyzdy qaǵyp ketti. Jol-kólik oqıǵasynan qyzdar azdap dene jaraqatyn aldy», - delingen habarlamada.
Medıtsınalyq saraptama nátıjesi boıynsha, kólik júrgizýshisiniń ishimdik ishpegeni, ıaǵnı oqıǵa abaısyzda bolǵany anyqtaldy. Júrgizýshi áıelge qatysty ákimshilik hattama toltyryldy.
