Qostanaıda júrgizýshi áıel eki qyz balany qaǵyp ketti
QOSTANAI. QazAqparat - Qostanaıda róldegi kelinshek eki qyz balany kólikpen soǵyp ketti, dep habarlaıdy QazAqparat tilshisi Qostanaı oblysy ІІD Baspasóz qyzmetine silteme jasap.
29 jastaǵy «Toyota Camry» avtokóliginiń júrgizýshisi Gogol kóshesiniń boıymen kele jatyp, Altynsarın kóshesine burylǵan kezde jaıaý kele jatqan 11 jáne 14 jastaǵy eki qyzdy qaǵyp ketti. Jol-kólik oqıǵasynan qyzdar azdap dene jaraqatyn aldy», - delingen habarlamada.
Medıtsınalyq saraptama nátıjesi boıynsha, kólik júrgizýshisiniń ishimdik ishpegeni, ıaǵnı oqıǵa abaısyzda bolǵany anyqtaldy. Áıel júrgizýshige ákimshilik hattama toltyryldy.
