Qostanaıda júkti áıel otyrǵan jedel járdem kóligi apatqa ushyrady
QOSTANAI. QazAqparat - Aıaǵy aýyr áıeldi aýrýhanaǵa alyp bara jedel járdem kóligi «Leksýspen» soqtyǵysty, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Jol-kólik oqıǵasy qala ortalyǵynda bolǵan. Qostanaı perınataldyq ortalyǵynyń sanıtarlyq kóligi «Leksýs» markaly kólikpen soqtyǵysqan. Belgili bolǵandaı, jol erejesin «Leksýs» avtokóligi buzǵan.
«Kólikte júkti kelinshek bolǵan. Onyń keýde qýysy qysylǵan, qatty sekem alǵan. Buǵan qosa aıaǵy aýyr áıeldi qarap kele jatqan medıtsınalyq qyzmetker jaraqat aldy. Bul faktini oblystyq PD tekserip jatyr», - deıdi oblystyq densaýlyq saqtaý basqarmasynyń baspasóz hatshysy Ksenııa Jylqybaeva.
Al polıtseılerdiń sózinshe, «Leksýs» kóligin 35 jastaǵy er adam basqarǵan. Qazirgi ýaqytta tergeý jumystary júrgizilip jatyr.
