Qostanaıda júk tıegish tehnıka qaqqan jaıaý júrginshi qaza tapty
ASTANA. KAZINFORM – Qostanaıda arnaıy tehnıkanyń qatysýymen bolǵan jol-kólik oqıǵasy saldarynan jaıaý júrginshi kóz jumdy, dep habarlaıdy Kazinform agenttiginiń tilshisi.
Polıtsııanyń málimetinshe, apat 27 sáýir kúni Kıevskaıa kóshesinde bolǵan. Aldyn ala málimet boıynsha, «XC-938KZ» markaly júk tıegishtiń júrgizýshisi jumys barysynda keri qozǵalyp kele jatyp, manevrdiń qaýipsiz ekenine kóz jetkizbeı, jaıaý júrginshini qaǵyp ketken.
Alǵan jaraqattarynyń saldarynan er adam oqıǵa ornynda kóz jumdy.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý amaldary júrgizilip jatyr. Onyń qorytyndysy boıynsha protsessýaldyq sheshim qabyldanady.
Polıtsııa júrgizýshilerge, ásirese kóriný shekteýli jaǵdaıda manevr jasaý kezinde jol qozǵalysy erejelerin qatań saqtaýdy eske salyp, jolda barynsha muqııat bolýǵa shaqyrdy.
Eske sala ketsek, buǵan deıin Túrkistan oblysynda jarysqa bara jatqan 3 jasóspirim jol apatynan qaza tapqanyn jazdyq.
