Qostanaıda jóndeý jumystaryna 20-dan astam úı jylýdan ýaqytsha ajyratylady

QOSTANAI.QazAqparat – Qostanaıda kommýnaldyq qyzmet birden birneshe núktedegi aqaýlardy joıady, osyǵan baılanysty 20-dan astam turǵyn úıde kúni boıy jylý bolmaıdy, dep habarlaıdy QazAqparat tilshisi.

Qostanaı jylý elektr kompanııasynyń habarlaýynsha, aqaýlardy joıý jumystary búgin kúni boıy júrgiziledi.

«Qalanyń jylý jelilerindegi aqaýlardy joıýǵa baılanysty kelesi turǵyn úılerdi jylýmen jabdyqtaý ýaqytsha toqtatylady: Doşanova № 145/7, Táýelsizdik № 161, 163, 165, Ál-Farabı 134, 136, 138, 6 shaǵyn aýdany, № 106, 7 shaǵyn aýdany, № № 8a, 11, 11A, 12, 14, 15, 16, 17, 17B, 21, 25, Arystanbekova № 6, Ýzkokoleınaıa № 2/1» , - dep habarlaıdy Qostanaı jylý elektr kompanııasy.

Saǵat 18:00-ge deıin barlyq aqaýlar joıylady dep josparlanýda.

Buǵan deıin Rýdnyıdaǵy jylý trassasynda iri apat bolǵan edi. Rýdnyıda 24 úı, jeke sektorda 59 úı jáne zańdy tulǵalardyń 16 ǵımaraty jylýsyz qalǵan.

Keıin apat joıyldy. Memleket basshysy Qasym-Jomart Toqaev demalys kúnderi jumys sapary aıasynda Rýdnyıda bolyp, qaladaǵy jaǵdaıdy qalypqa keltirýdi tapsyrdy. Keıin jergilikti bıliktiń Qostanaı oblysyndaǵy kommýnaldyq jelilerdiń tozý máselesin qalaı sheshýge nıetti ekendigi belgili boldy.