Qostanaıda «Jomart júrek» jeńimpazdary anyqtaldy
QOSTANAI.QazAqparat – Qostanaı qalasy ákimdigi «Jomart júrek» syılyǵynyń 2020 jylǵy laýreattaryn marapattaý rásimin ótkizdi, dep habarlaıdy QazAqparat Qostanaı qalasy ákimdiginiń ishki saıasat bólimine silteme jasap.
«Jomart júrek» syılyǵy - «Rýhanı jańǵyrý» baǵdarlamasynyń «Atameken» kishi baǵdarlamasy sheńberinde uıymdastyrylyp otyrǵan biregeı joba. Atalǵan syılyq týǵan ólkeniń damýyna eleýli úles qosqan metsenattarǵa, belsendi tulǵalarǵa, bıznes-qurylym ókilderine, eriktiler men túrli uıymdarǵa tabystalady.
Sonymen, Qostanaı qalasyndaǵy iri áleýmettik jobalardy iske asyrǵany jáne qaıtarymsyz kómek kórsetkeni úshin «Jyl metsenaty» nomınatsııasynda Talǵat Eşanov marapattaldy. Al belsendi azamattyq ustanymy jáne qaıyrymdylyq qyzmetti júzege asyrǵany úshin «Jyl tulǵasy» nomınatsııasynda Rımma Bekturǵanova jeńimpaz atandy. «Úzdik uıym» nomınatsııasyna «FortýnaMed» JShS dırektory Aleksandr Matskevıch ozyq shyqsa, «Eren eriktilik» atalymynyń júldesin Baýyrjan Júsipov ıelendi. Qazylar alqasy «Týǵan ólke» nomınatsııasyna Elena Andreevany laıyq dep tanydy. Barlyq marapat ıelerine alǵys hattar jáne statýetkalar tabys etildi.
«Elbasymyz óziniń baǵdarlamalyq maqalasyndaǵy «Týǵan jer» jobasynda isker azamattardy týǵan ólkeni túletip, aýyl turmysyn jaqsartýǵa atsalysýǵa shaqyrǵan bolatyn. Kez kelgen adamnyń týǵan jerine degen patrıottyq sezimin oıatqan qundy jobanyń nátıjesin búginde el kórip otyr. Osy joba aıasynda týyp-ósken aýylynda iri áleýmettik jobalardy iske asyryp, kópbalaly otbasylar men ata-ananyń qaraýynsyz qalǵan jetim balalarǵa kómek qolyn sozyp, qaıyrymdylyq jasap júrgen jandar az emes. Búgingi marapat ıeleri de oblysqa eńbegi sińgen tulǵalar», - dep atap ótti Qostanaı qalasy ákimdiginiń ishki saıasat bólimindegiler.
