Qostanaıda joldy tazalamaǵan «Qazaqavtojol» basshylary jaýapqa tartyldy
QOSTANAI. QazAqparat – Qostanaı oblysynda joldardy ýaqytyly tazalamaǵan «Qazaqavtojol» JShS óńirlik fılıalynyń laýazymdy tulǵalary jaýapkershilikke tartyldy. QazAqparat bul týraly oblystyq Polıtsııa departamentiniń baspasóz qyzmetine silteme jasap habarlaıdy.
Joldaǵy qaýipsizdikti jáne kólik quraldarynyń kedergisiz qozǵalysyn qamtamasyz etý maqsatynda Polıtsııa departamenti jergilikti atqarýshy organdarmen jáne «Qazaqavtojol» JShS ókilderimen birlesip kún saıyn avtojoldarda tekserý júrgizedi.
«Avtojoldardy tekserý barysynda kemshilikter anyqtaldy. Ásirese, jol jıekterinde qar úıindileri kóptep jınalǵan. Memlekettik standartqa sáıkes joldardy ýaqytyly tazalamaǵany jáne avtomobıl joldaryn qysqy merzimde kútip ustaý jónindegi talaptardy, jol qozǵalysy qaýipsizdigin qamtamasyz etýdiń belgilengen erejelerin oryndamaǵany úshin «Qazaqavtojol» JShS-nyń jaýapty tulǵalaryna ákimshilik hattama toltyryldy. Olar QR ÁQBtK-niń 631-babynyń 1-bóligi boıynsha jaýapkershilikke tartyldy», - dedi oblystyq Polıtsııa departamentiniń baspasóz hatshysy Irına Bejenar.
foto: www.arnapress.kz
