Qostanaıda joldan adasyp, beline deıin qarǵa batqan er adam tabyldy
QOSTANAI. KAZINFORM — Qostanaı oblysynda qutqarýshylar Beıimbet Maılın aýdanynan Rýdnyıǵa qaraı jaıaý kele jatyp, joldan adasyp, dalada beline deıin qar qursaýynda qalǵan er adamdy tapty.
Er adamnyń joǵalǵany týraly oǵan alańdaǵan týystary habarlaǵan. Anyqtalǵandaı, ol aldyńǵy kúni Evgenevka aýylynan Rýdnyı qalasyna qaraı jaıaý shyqqan, alaıda jolda baǵytynan jańylyp, adasyp ketken. Joǵalǵan azamattyń uıaly telefony bolǵany jaǵdaıdy jeńildetti — ol qutqarýshylarmen baılanysta bolyp, turǵan jerin sıpattap berdi.
Jedel izdeý jumystaryna TJD qyzmetkerleri, polıtsııa jáne týystary qatysty. Іzdeý tobynyń úılesimdi áreketteriniń nátıjesinde ábden tońǵan er adam Belozerka aýylynan 6 shaqyrym qashyqtyqta aıdaladan tabyldy. Ol qarǵa beline deıin batqan. Oǵan medıtsınalyq kómek qajet bolmady.
Eske salaıyq, Batys Qazaqstan oblysynda 9 jastaǵy bala eki inisin órtten qutqarǵan bolatyn.