Qostanaıda jolda qalǵan jedel járdem brıgadasy evakýatsııalandy

QOSTANAI. QazAqparat – Qostanaıda balshyqqa batyp, jolda qalǵan jedel járdem jolaýshylary evakýatsııalandy. Bul týraly QazAqparat Qostanaı oblysy TJD qoǵammen baılanys tobyna silteme jasap habarlaıdy.

15 qarasha túni, saǵat shamamen 1-ge qaraı «112» pýltine Torǵaı aýylynan 40 shaqyrym jerde, avtojolda «ÝAZ» markaly avtokóliginiń balshyq batpaqqa batyp qalǵany týraly habarlanady.

Avtokólik salonynda bes adam bolǵan, onyń biri medıtsınalyq kómekke muqtaj bolǵan 2016 jylǵy qyz bala (ishi qatty aýyrǵan jáne dene qyzýy joǵary bolǵan).

Anyqtalǵanyndaı, qar men jańbyr túrinde jaýǵan jaýyn-shashynnan Ahmet Baıtursynov aýylynan shyqqan kólik ótimdiligi qıyn ýchaskede qalyp qoıǵan. Jangeldın aýdanynyń TJB-sy men «103» qyzmetkerleri jolaýshylardy oqıǵa ornynan evakýatsııalady. Saǵat 3:51-de jedel járdem kóligi Torǵaı aýylyna jetti jáne qyz bala jergilikti aýrýhana dárigerlerine tapsyryldy.

Tótenshe jaǵdaılar departamenti meteorologııalyq boljamdarǵa nazar aýdarý (onyń ishinde Darmen qosymshasy arqyly), aýa raıy nasharlaǵan kezde eldi mekenderden tys jerlerge shyqpaýdy usynady.