Qostanaıda jolaýshyny jasyl dárimen jýynýǵa májbúrlegen júrgizýshi ustaldy
ASTANA. QazAqparat - Qostanaıda jolaqysyn tólemegenderdiń betin suıyq jasyl dárimen jýynýǵa májbúrlegen taksı júrgizýshisin polıtsııa ustady.
Qostanaı oblystyq ІІD júrgizýshiniń ustalǵandyǵyn rastady.
«Taksı júrgizýshisiniń ústinen buzaqylyq áreketi boıynsha qylmystyq is qozǵaldy. Ol aıybyn moıyndap jaýap berdi. Qazir sotqa deıingi tergeý júrgizilýde», - dep habarlady Qostanaı oblystyq ІІD baspasóz qyzmetiniń jetekshisi Elena Kasharına.
Eske sala ketsek, 10 aqpanda taksı júrgizýshisi bolyp isteıtin er adam katıa esimdi boıjetkenniń qolyna jasyl suıyq dárini quıyp onymen betin jýýǵa májbúr etken.
«Jý betińdi, - dep buıyrdy júrgizýshi klıentine. - Murat aǵa, endi eshqashan taksı júrgizýshilerin aldamaımyn, dep ýáde ber».
Boıjetken onyń aıtqanyn oryndap, betine jasyl dárini jaǵady.
«Jazaǵa» qatysty vıderolık ıÝtýb vıdeohostınginde jarııalanǵan.
