Qostanaıda jolaýshylar avtobýsy taǵy bir jolaýshyny qaǵyp óltirdi
QOSTANAI. QazAqparat - Qostanaıda jolaýshylar avtobýsynyń júrgizýshisi zeınetker ájeıdi qaǵyp ketti, alynǵan jaraqattan zeınetker baqılyq boldy, dep habarlady «QazAqparat» HAA tilshisi Qostanaı oblystyq ІІD baspasóz qyzmetine silteme jasap.
Polıtsııanyń habarlaýynsha, zeınetkerdiń jolda júrý erejesin buzýy jol-kólik apatynyń sebebi bolǵan - ol baǵdarshamda qyzyl tús janyp turǵanda ótken. Oqıǵa faktisi ІІD jedel basqarý ortalyǵynyń beınebaqylaý kamerasyna túsip qalǵan.
«Júrgizýshi baǵdarshamnyń jasyl túsi janǵanda júrdi, al zeınetker sol ýaqytta jol ortasynan ótýge árekettendi», - dedi ІІD baspasóz hatshysy Elena Kasharına. - Soqtyǵysý saldarynan ol jambasy synyp, bas-mı jaraqatyn aldy. Zardap shegýshini jedel járdem kóligi jansaqtaý bólimine apardy, degenmen ájeı kóp uzamaı kóz jumdy».
Marqumdy týystary tanydy. Medıtsınalyq tekseris júrgizýshiniń ishimdik ishpegenin kórsetti. Sonymen birge, QR QK 345-baby, 3-bóligi (abaısyzda kisi ólimine ákep soqqan kólik quraldaryn, kólik júrgizýshi adamdardyń jol qozǵalysy erejelerin buzý) sotqa deıingi tergeý bastaldy.
Atap ótken jón, sońǵy kezderi bul Qostanaıda jolaýshylar avtokóliginen jaıaý júrginshi qaza tapqan ekinshi jol oqıǵasy.
