Qostanaıda jolaýshylar avtobýsy mekteptiń qorshaýyna soǵyldy
QOSTANAI. QazAqparat - Qostanaıda jol apatyna jol bermeýge tyrysqan jolaýshylar avtobýsynyń júrgizýshisi mekteptiń qorshaýyn qıratyp ketti, dep habarlaıdy QazAqparat oblystyq PD baspasóz qyzmetine silteme jasap.
Oqys oqıǵa búgin oblys ortalyǵyndaǵy Maıakovskıı kóshesinde bolǵan.
«Jol-kólik oqıǵasyn mán jaıyn anyqtaý kezinde, 54 jastaǵy avtobýs júrgizýshisiniń jol apatyna jol bermeýge tyrysqany anyqtaldy. Ol qarsy baǵytta burylyp jatqan aq tústi «Hıýndaı Aktsent» kóligine soǵylýdan qashqan. Sol sebepti, avtobýs júrgizýshisi sol jaqqa burylýǵa májbúr bolǵan. Alaıda, № 22 qoǵamdyq kólik mektep qorshaýyn qıratyp ketti», - deıdi departamenttiń baspasóz qyzmetiniń jetekshisi Irına Bejenar.
Qazirgi ýaqytta polıtseıler jeńil avtokóliktiń ıesin izdestirýde.
Polıtsııa habarlaǵandaı, oǵan ákimshilik quqyqbuzýshylyq týraly hattama toltyrylýy múmkin.
№ 23 mektep dırektory Baýyrjan Saýytbaevtyń aıtýynsha, zardap shekkender joq.Tek qorshaýǵa zaqym kelgen. Degenmen, avtobýs júrgizýshisi muny retke keltirdi.
