Qostanaıda jolaqy qymbattady
QOSTANAI. QazAqparat - Qostanaı qalasynyń bıligi 1 naýryzdan bastap qoǵamdyq kólikterdegi jol júrý aqysyn kóterý týraly úkim shyǵardy, dep habarlaıdy «QazAqparat» HAA tilshisi.
Bul aqparatty oblys ortalyǵy ákiminiń baspasóz qyzmeti taratty.
Endi qostanaılyqtar avtobýstarda jol júrý úshin 60 teńgeniń ornyna 80 teńge tóleıtin bolady. Qala shetine jáne saıajaılarǵa baratyn qoǵamdyq kólikterdegi jolaqy quny «árbir shaqyrymǵa - 5 teńge» tarıfi boıynsha belgilenedi.
7 jasqa deıingi balalar, Uly Otan soǵysynyń ardagerleri men qatysýshylary, 1 jáne 2 toptaǵy kózi nashar kóretin múgedekter úshin jol aqysy tegin.
7-15 jas aralyǵyndaǵy balalarǵa 50% jeńildik saqtalady. Zeınetkerler barlyq baǵyt boıynsha belgilengen tarıften 10 teńge az tóleıtin bolady.
Qostanaıda jol júrý aqysy úsh jyl boıy kóterilmeı kelgen edi.
