Qostanaıda jolaqy 100 teńgege deıin qymbattaıdy
QOSTANAI. QazAqparat - Aqpan aıynan bastap Qostanaıda qoǵamdyq kólik jolaqysy qymbattaıdy, dep habarlaıdy QazAqparat Qostanaı qalasy ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy Alekseı Tarasovqa silteme jasap.
Bólim jetekshisiniń sózinshe, bul másele byltyrdan beri qozǵalyp kele jatyr.
«Zań boıynsha, janar-jaǵarmaı baǵasy men qurylys bólshekteri 25%-ǵa qymbattasa, tasymaldaýshylar jergilikti atqarýshy organdarǵa tarıf qunyn ósirý týraly ótinish bere alady. Atalǵan máseleni qaraý quzyreti qala máslıhatyna tıesili. Qoldanystaǵy zańǵa sáıkes, ótinish bir aı ishinde qaralýǵa tıis. Máslıhat maquldasa, aqpan aıynda avtobýs jolaqysy 100 teńgege deıin qymbattaıdy. Bul - avtobýs parkteri basshylarynyń qoıǵan tómengi baǵasy», - dedi Tarasov.
Aıta keteıik, tasymaldaýshylar qala syrtyna shyǵatyn qoǵamdyq kólikter tarıfin 150 teńgege deıin qymbattatýdy usyndy.
