Qostanaıda jol-kólik oqıǵasynda eki adam kóz jumdy
QOSTANAI. QazAqparat - «Qostanaı - Mamlıýt» tasjolynda «KiaCarens» jeńil avtokóligi «KamAz» júk kóligimen soqtyǵysyp, eki adam qaza boldy, dep habarlaıdy QazAqparat tilshisi.
Aqparatty oblystyq ІІD baspasóz qyzmeti rastady.
«Búgin «Qostanaı - Mamlıýt» tasjolynyń 77 shaqyrymynda «Kia Carens» kóliginiń 59 jastaǵy júrgizýshisi rólge ıe bola almaı, qarsy baǵytqa shyǵyp ketken. Sol ýaqytta «KamAZ» júk kóligine soqtyǵysqan. Jol-kólik oqıǵasynan soń jeńil avtokólik júrgizýshisi men 49 jastaǵy jolaýshy kóz jumdy», - dep habarlady ІІD baspasóz hatshysy Irına Bejenar.
Atalǵan fakt boıynsha QR QK 345 babymen sotqa deıingi tergeý sharalary bastaldy.
