Qostanaıda jol apatynan 2 adam kóz jumdy
QOSTANAI. QazAqparat - Qostanaı oblysyndaǵy Denısov-Jitiqara tasjolynda eki jeńil avtokólik soqtyǵysyp, eki adam kóz jumdy, dep habarlaıdy QazAqparat oblystyq PD baspasóz qyzmetine silteme jasap.
«VAZ-2107» avtokóligin basqarǵan Denısov aýdanynyń 43 jastaǵy turǵyny joldyń qarsy baǵytynda kele jatqan «Lada-Prıora» kóligimen soqtyǵysty. Jol-kólik oqıǵasynyń saldarynan eki avtokóliktiń eki jolaýshysy oqıǵa ornynda kóz jumdy», - dedi oblystyq PD baspasóz qyzmetindegiler.
Qazirgi kezde atalǵan fakt boıynsha Qazaqstan Respýblıkasy Qylmystyq kodeksiniń 345-babyna sáıkes sotqa deıingi tergeý júrgizilýde. Saraptamalar taǵaıyndaldy.
