Qostanaıda jol apatyna aıypty adamnan mıllıonnan asa qarjy óndirip alyndy
ASTANA. QazAqparat - Qostanaı qalalyq soty moraldyq jáne materıaldyq shyǵyndy óteý týraly aryzdy qanaǵattandyrdy, dep habarlaıdy Alau.kz portaly Qostanaı oblystyq sotyna silteme jasaı otyryp.
2016 jyldyń 13 sáýirinde Qostanaıda kólik apaty boldy. Keshki segizder shamasynda «Folksfagen» markaly avtokólik joldyń qarsy jolaǵyna shyǵyp ketip, mototsıklmen soqtyǵysty. Nátıjesinde mototsıkl júrgizýshisiniń densaýlyǵyna aýyr zaqym kelgen.
«Jeńil avtokólik júrgizýshisiniń kinási qylmystyq is materıaldarymen tolyq dáleldendi. Óziniń quqyn jáne zańdy talaptaryn qorǵaý úshin mototsıkl júrgizýshisi sotqa shaǵym túsirdi. Іs qujattaryn qaraǵan sot aıyptalýshydan materıaldyq jáne moraldyq shyǵyndy óteý úshin shaǵym túsirýshiniń paıdasyna 1 047 928 tenge kóleminde aqsha óndirdi», - delingen sot saıtynda.
Sot sheshimi zańdy kúshine engen joq.
