Qostanaıda joǵalǵan jigit týystaryn qydyryp júrgen
QOSTANAI. QazAqparat - Osydan úsh kún buryn izdeý salynǵan qostanaılyq jigit tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Jedel izdestirý sharalary barysynda Qostanaı qalasy ІІB Ońtústik bóliminiń polıtseıleri iz-tússiz joǵalǵan Sháripov Jasulan Ábilǵazyulyn tapty. Oblystyq ІІD baspasóz qyzmetiniń habarlamasyna súıensek, Sháripov Jasulan osy ýaqytqa deıin KSK shaǵyn aýdanyndaǵy týystarynyń úıinde bolǵan.
Eske salaıyq, Sháripov Jasulanǵa 10 qyrkúıek kúni izdeý salynǵan .
Sondaı-aq, Qostanaıda 40 jastaǵy Gúlnar Moldashevany izdeý sharalary áli jalǵasyp jatyr. Onyń joǵalý deregine qatysty "Kisi ólimi" baby boıynsha is qozǵaldy.
