Qostanaıda joǵalǵan qyzdyń ólimi neden bolǵany anyqtaldy
QOSTANAI. QazAqparat - QR ІІM baspasóz qyzmeti 20 jastaǵy Ekaterına Pýdvıldiń ólimine qatysty málimet taratty, dep habarlaıdy QazAqparat tilshisi.
Buǵan deıin Qostanaı oblysy polıtsııa departamentiniń baspasóz hatshysy Irına Bejenar ózen jaǵasynan óli tabylǵan boıjetkenge qatysty málimetterdiń saraptamadan soń jarııa etiletinin aıtqan bolatyn.
QR ІІM baspasóz qyzmeti taratqan habarlamaǵa júginsek, boıjetkenniń aǵzasyna salqyn tıgen. Bul saraptama qorytyndysy boıynsha anyqtaldy.
«Tergeý jumystary kezinde belgili bolǵandaı, iz-tússiz joǵalǵan boıjetken 7 qarasha kúni qurbysymen ishimdik ishken. Sol kúni shamamen saǵat 23:30-da olar Denısov aýdandyq polıtsııa bóliminiń aıdaýylyna habarlasyp, onyń jaldamaly páterine keledi. Túngi 01:00 kezinde jábirlenýshi ózin nashar sezinip, úıine ketpek bolady. Biraq, ony qurbylary jibergisi kelmeı, túnep, úıine tańerteń barýdy usynady. Budan keıin boıjetken dálizde otyra turý úshin qurbylarynan syrt kıimin surap, aıaq kıimin kıgizip jiberýdi ótinedi. Degenmen, qurbylary bul usynysyn qoldamaıdy. Nátıjesinde boıjetken jalańaıaq shyǵyp ketken», - delingen ІІM baspasóz habarlamasynda.
Boıjetkenniń ketip qalǵanyn bilgen qurbylary ony izdeýge attanady. Olar birneshe kóshe men dúken mańyn qarap shyǵady. Boıjetkenniń uıaly telefony jaýap bermegen soń, dostary izdeýdi toqtatqan.
QR ІІM baspasóz qyzmeti otyrys kezinde qurbylar arasynda daý-damaıdyń bolmaǵanyn jetkizdi.
Bul iske qatysty sotqa deıingi tergep-tekserý sharalary jalǵasýda.
