Qostanaıda joǵalǵan bala daladaǵy shóp maıasynan tabyldy
QOSTANAI. 20 jeltoqsan. QazAqparat - Ata-anasy joǵaldy dep izdeý salǵan segiz jasar qyz balany polıtsııa qyzmetkerleri shóp maıasynan tapty. Oqýshy qyz úıinde eki kún bolmaǵan.
Týystarynyń aıtýynsha, mektepten shyqqan soń qyz bala ájesine qonaqqa barǵan. Ol oblys ortalyǵynyń basqa aýdanynda turady eken. Kelesi kúni de úıine barmaı qalada odan ary qydyrǵan. Qaltasyndaǵy barlyq aqshasyn taýysqan qyz úıine jaıaý barmaq bolady.
Keshke qaraı shalǵaıdaǵy Qostanaı-2 shaǵyn aýdanyna kesh jetken ol izdep júrgen polıtsııa qyzmetkerlerin kórip, daladaǵy maıa shóptiń ishine tyǵylǵan. Biraz ýaqyttan keıin polıtsııa qyzmetkerleri balany taýyp aldy. Oqýshy qyzdyń týystary ІІD basshylyǵyna alǵys hat joldap, onda tártip saqshylarynyń jumysyn erekshe atap ótýdi suraǵan.
