Qostanaıda joǵalǵan 8 jastaǵy bala tórt táýlik boıy izdestirilýde
ASTANA. QazAqparat - Qostanaıda tórt táýlik boıy 8 jastaǵy Igor Kotskıı izdestirilýde, dep habarlaıdy alau.kz.
Soltústik óńirlik aeromobıldi jedel toby basshysynyń orynbasary Sergeı Shmıdtiń aıtýynsha, balany izdeý «káris kópiri» aýmaǵynda jalǵasyp jatyr.
«Tobyl ózenin qaıyqpen tekserýde. Іzdeý jumystaryna 13 adam men súńgýirler de jumyldyrylǵan. Ózenniń qatty aǵysy olarǵa kedergi keltirýde. Súńgýirler barlyq arnalarmen júrip ótip, ekinshi ret qarap shyǵýǵa ketti. Qaıyqtar Jambyl aýylyna qaraı baǵyt aldy», - dep habarlady Sergeı Shmıdt.
Buǵan qosa, Igor Kotskııdi izdestirýge eriktiler de qatysýda, olar saıajaılardy, bos qalǵan ǵımarattardy jáne kýágerlerdi izdestirýde.
Esterińizge sala keteıik, 8 jastaǵy Igor Kotskıı 4 shilde kúni Qostanaıdaǵy «Vostok» dúkeniniń mańynan iz-tússiz joǵalyp ketken.
