Qostanaıda JKO saldarynan júrgizýshi avtokólikte janyp ketti
QOSTANAI. QazAqparat - Búgin túnde Qostanaı-Rýdnyı jolynyń 40-shy shaqyrymynda eki kóliktiń soǵylýynan órt tutandy, saldarynan júrgizýshi janyp ketti. Taǵy eki adam túrli jaraqat aldy.
Hyundai Elantra jáne Lexus RX-350 avtokólikteri Rýdnyı qalasynyń mańyndaǵy jolda soǵylǵan. QazAqparattyń derek kózi, Hyundai Elantra júrgýzishisi kólikke ıe bola almasa kerek, dep habarlady.
«Leksýspen» soǵylǵannan keıin mashına joldyń jıegine ushyp, órtengen. Qostanaı oblysynyń TJ departamentiniń baspasóz qyzmeti avtokóliktiń tutastaı janyp ketkenin, denesi túgel kúıgen júrgizýshiniń máıiti avtokólik astynan tabylǵanyn habarlady.
QazAqparat tilshisi qaza bolǵan jigittiń 22 jastaǵy Rýdnyı turǵyny ekenin anyqtady. Qaza bolǵan adamnyń kim ekeni naqty anyqtalǵan joq. «Leksýs» júrgizýshisi men onyń jolaýshylary rýdnyı qalasynyń aýrýhanasyna jatqyzyldy.
