Qostanaıda jylý trassasyndaǵy jarylys 87 kópqabatty úıdi ystyq sýsyz qaldyrdy

QOSTANAI. KAZINFORM — Qostanaıda jylý magıstralindegi apat saldarynan júzdegen tutynýshy ystyq sýdan ajyratyldy, dep habarlaıdy Kazinform agenttiginiń tilshisi.

«KTEK» ShJQ MKK baspasóz qyzmetiniń málimetinshe, Táýelsizdik dańǵyly boıymen ótetin dıametri 500 mm TM-2 jylý magıstralinde jarylys oryn alǵan. Sonyń saldarynan 87 kópqabatty turǵyn úıge ystyq sý berý shekteldi.

— Apattyq-qalpyna keltirý jumystary júrgizilip jatyr. Jarylysty tolyq joıý jáne ystyq sýdy qaıta qosý shamamen 26 shilde kúni saǵat 18:00-ge deıin aıaqtalady dep josparlanyp otyr, — dep naqtylady mekeme ókilderi.

Kommýnaldyq kásiporyn qala turǵyndarynan ýaqytsha qolaısyzdyqtar úshin keshirim suraıdy.

Budan buryn Qostanaı oblysy Rýdnyı qalasynda 2021 jylǵy jaǵdaı qaıtalanýy múmkin. Sebebi 11 tamyzdan bastap qalada turmystyq tutynýshylarǵa gaz berý ýaqytsha toqtatylatyny anyqtaldy.