Qostanaıda jylytý maýsymy qashan aıaqtalady

QOSTANAI. KAZINFORM – Byltyr Qostanaıda jylytý maýsymy sáýir aıynyń ekinshi jartysynda toqtatyldy. Bıyl merzimi ózgerýi múmkin. 

Qostanaı ákimdiginiń málimetinshe, jylytý maýsymyn toqtatýdyń óz tártibi bar. Ol úshin ortasha táýliktik temperatýra úsh kún qatarynan +10 °C-tan tómen bolmaýy tıis. 

Ákimdik jylý berýdi toqtatý týraly sheshimdi jergilikti atqarýshy organdar naqty meteorologııalyq derekter negizinde qabyldaıtynyn atap ótti. «Qazgıdromet» RMK oblystyq fılıaly sáýir aıy jyly bolatynyn boljap otyr. 

– Sáýirdegi aýanyń ortasha temperatýrasy +6,0+10,6°S bolmaq, bul normadan 1-2° joǵary (norma: +4,1+8,7°S). Bir aıda jaýyn-shashyn mólsheri oblystyń kóp bóliginde normadan, ońtústikte normaǵa jaqyn bolady dep boljanǵan (norma: 12-27 mm). Jaýyn-shashyn (jańbyr, qar) aıdyń ortasynda jaýmaq. Jańbyr, naızaǵaı ekinshi, kóbinese úshinshi onkúndikte bolady degen boljam bar, - deıdi sınoptıkter.

Birinshi onkúndikte aýa temperatýrasy túnde +3+8°S deıin, kúndiz +15+20°S, oblystyń ońtústiginde +25°S deıin birtindep kóterilmek.

Buǵan deıin Almatyda jylytý maýsymy qashan aıaqtalatynyn jazǵan edik.