Qostanaıda jer qatynastary bóliminiń basshysy ustaldy

QOSTANAI. QazAqparat - Qostanaı qalasynyń mamandandyrylǵan tergeý soty Qostanaı qalasy ákimdiginiń jer qatynastary bóliminiń basshysy Azamat Amanovqa qatysty sanktsııany qarady, dep habarlaıdy QazAqparat.

"Qostanaı oblysynyń mamandandyrylǵan tergeý soty Qostanaı oblysy prokýrorynyń orynbasary Q.Mamaevpen kelisý arqyly, SJQKD tergeý bóliminiń tergeýshisi J.Ótepqalıevtiń ótinishi boıynsha, Qostanaı qalasy ákimdiginiń jer qatynastary bólimi memlekettik mekeme basshysyna qatysty 2 aıǵa qamaýǵa alý túrindegi bultartpaý sharasyna ruqsat berdi", - delingen oblystyq sottyń habarlamasynda.

A. Amanov adamdarmen aldyn ala sóz baılasý arqyly para aldy degen kúdikpen ustalyp otyr.