Qostanaıda jer qatynastary boıynsha kórsetilgen 50 memqyzmetten kemshilikter anyqtaldy
QOSTANAI. KAZINFORM – QR Memlekettik qyzmet isteri agenttiginiń Qostanaı oblysy boıynsha departamenti jer qatynastary salasy boıynsha memlekettik qyzmet kórsetý kezinde zańsyzdyqtardy anyqtady.
«Elektrondy qujat jáne elektrondy tsıfrlyq qoltańba týraly» zańyna sáıkes, elektrondy tsıfrlyq qoltańba adamnyń jeke qoltańbasy sanalady. Al tsıfrlyq qoltańbany jasaý men paıdalaný tártibi naqty belgilengen.
Soǵan qaramastan birqatar qala men aýdanda memlekettik organ jetekshileriniń elektrondy tsıfrlyq qoltańbasyn olar issaparda nemese eńbek demalysynda júrgen kezinde qoldaný jaǵdaılary anyqtaldy. ıAǵnı laýazym ıesiniń mindetin atqarýshy kórsetilgen memlekettik qyzmetterge jetekshiniń qolyn onyń ózi joq kezde paıdalanǵan. Osyndaı 50 jaǵdaı anyqtaldy.
Departament ókilderi mundaı jaǵdaılardyń memlekettik qyzmetshilerdiń olar qabyldaıtyn sheshim boıynsha jeke jaýapkershiligi prıntsıpin buzyp, jemqorlyq táýekelderin týdyratynyn aıtady.
Osyǵan baılanysty memlekettik organ ókilderine kemshilikterdi joıý týraly hat joldandy, onda sondaı-aq mundaı jaǵdaıǵa bolashaqta jol bermeý qajettigi aıtyldy. Materıaldar kináli adamdardy jaýapqa tartý úshin ókiletti organǵa joldandy.
Osyǵan deıin Qostanaı oblysynyń turǵyndaryna jylýǵa jumsalǵan 106 mln teńge qaıtarylatyny týraly jazdyq.