Qostanaıda jeńil kólikpen soqtyǵysqan «KamAZ» meıramhanany qıratty
QOSTANAI. QazAqparat – Qostanaı qalasynda «KamAZ» «VAZ 2014» avtokóligimen soqtyǵysty, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa Táýelsizdik-Baımaǵambetov kósheleriniń qıylysynda bolǵan.
«53 jastaǵy er adam basqarǵan «KamAZ» qarsy baǵytta kele jatqan «VAZ 2114» kóligimen soqtyǵysty. Saldarynan júk kóligi «Medeý» meıramhanasy ǵımaratyn buzyp ketti. Jeńil avtokóliktiń 20 jastaǵy júrgizýshisi men 19 jastaǵy jolaýshysy dene jaraqattary boıynsha aýrýhanaǵa jetkizildi», - dedi polıtsııanyń baspasóz qyzmetindegiler.
Qazir osy derek boıynsha teskerý sharalary júrgizilip jatyr. Meıramhanaǵa keltirilgen shyǵyn kólemi eseptelýde.
