Qostanaıda jeńil kólik júk poıyzymen soqtyǵysty
QOSTANAI. QazAqparat - Qostanaı oblysynda júk poıyzy jeńil kólikpen soqtyǵysty, dep habarlaıdy QazAqparat tilshisi.
Aqparatty oblystyq Polıtsııa departamentiniń baspasóz qyzmeti rastady. Oqıǵa Denısov aýdanynda «Denısov-Zaaıatskoe» avtojolynda bolǵan.
«KIA RIO» avtokóligin basqaryp kele jatqan 37 jastaǵy Qostanaı qalasynyń turǵyny temirjol ótkelinde júk poıyzymen soqtyǵysqan. Belgili bolǵandaı, kólik júrgizýshisi baǵdarshamnyń dabyl belgisin elemeı, ótip ketýge tyrysqan. Jol-kólik oqıǵasy saldarynan avtokólik júrgizýshi men jolaýshy dene jaraqatyn aldy», - delingen vedomstvonyń habarlamasynda.
Atalǵan faktige baılanysty QR ÁQBtK-niń 610-baby 2-bóligi boıynsha ákimshilik is qozǵaldy.
