Qostanaıda jeńil kólik órtenip ketti
QOSTANAI. QazAqparat - Jyl basynan beri Qostanaıda 123 avtokólikten órt shyqqan. Bul týraly oblystyq TJD baspasóz qyzmeti málim etti, dep habarlaıdy QazAqparat.
«Ótken 9 aı ishinde 93 jeńil avtokólik, 26 júk kóligi, 4 avtobýs jáne 5 aýylsharýashylyq tehnıkasy janyp ketti. Kóp jaǵdaıda kólik ishindegi symdardyń qysqa tuıyqtalýynan órt shyǵady. Ásirese, qys aılarynda júrgizýshiler kóliktiń qozǵaltqysh bólikterin qaǵaz, kıizdermen oraıdy. Bular tez janǵysh zattardyń qataryna kiredi», - delingen TJD baspasóz habarlamasynda.
Vedomstvoda málim etilgendeı, keshe túnde Qaıyrbekov kóshesinde aýlada turǵan VAZ 2112 markaly kólik tolyǵymen janyp ketti. Zardap shekkender joq.
Órt sóndirýshiler qostanaılyq júrgizýshilerdi barynsha saq bolýǵa shaqyrady.
