Qostanaıda jeńil kólik KamAZ-ben soqtyǵysty, júrgizýshi qaza boldy
QOSTANAI. QazAqparat - Qostanaıda jol-kólik apaty saldarynan 22 jastaǵy júrgizýshi kóz jumdy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Oqıǵa 1 qarasha kúni túngi saǵat 02.30 shamasynda Qostanaı qalasyndaǵy Kıevskıı kóshesinde bolǵan.
«VAZ-2114» avtokóliginiń 22 jastaǵy júrgizýshi 29 jastaǵy azamat tizgindegen KamAZ-ben soqtyǵysty. Jeńil kóliktiń júrgizýshisi alǵan jaraqattary saldarynan oqıǵa ornynda kóz jumdy. Jolaýshysy qalalyq aýrýhananyń jansaqtaý bólimine jetkizildi», - deıdi Polıtsııa departamentiniń baspasóz qyzmetindegiler.
Atalǵan fakti boıynsha QR QK 345-baby, 3-bóligi (Jol qozǵalysy erejelerin buzý) boıynsha sotqa deıingi tergep-tekserý amaldary bastaldy.
