Qostanaıda jeńil avtokólik dóner dúńgirshegin soǵyp ketti
QOSTANAI. QazAqparat - Qostanaıdaǵy shaǵyn aýdandardyń birinde jeńil avtokólik saýda dúkenine soǵyldy. Oblystyq polıtsııa departamenti baspasóz qyzmetiniń habarlaýynsha, zardap shekkender bolmaǵan, dep habarlaıdy «QazAqparat» HAA tilshisi.
Oqıǵa búgin tańǵy saǵat segiz kezinde Qostanaıdaǵy shaǵyn aýdandardyń birinde bolǵan.
«Folksvagen» markaly kóliktiń júrgizýshisi saýda dúńgirshegine soǵylǵan. 1994 jylǵy júrgizýshi kólikti mas kúıde basqarǵan», - dep málim etti PD.
Zardap shekkender joq. Júrgizýshige qatysty ákimshilik hattama toltyryldy.
