Qostanaıda jeke turǵyn úı salýǵa arnalǵan ýchaskelerdi kimder kezekpen ala alady

QOSTANAI. KAZINFORM – Qostanaıda jeke turǵyn úı qurylysyna (JTQ) arnalǵan jer ýchaskelerin bólý bastaldy. Qazirgi ýaqytta ýchaskeler kezeginde 43 myńnan astam adam tur, dep habarlaıdy agenttik tilshisi.

Qala ákimdiginiń málimetinshe, 2025 jylǵy qarashada «Qonaı» aýmaǵynda 1 792 jer ýchaskesin bólý rásimi iske qosylǵan. Onyń ishinde 1 668 ýchaske bos, al 124 ýchaskede bir jáne eki qabatty úıler salynǵan. Barlyq nysan ınjenerlik kommýnıkatsııalarmen jáne qajetti ınfraqurylymmen qamtamasyz etilgen. Ár ýchaskeniń aýdany – 0,08 gektar (8 sotyq).

Kezekte turǵan azamattardyń múmkindigin keńeıtý úshin jańartylǵan tizimge sáıkes 43 287-nómirge deıingi kezektegilerge qatysýǵa ruqsat berildi.

Úılerdi satyp alý qolma-qol tólem arqyly nemese ekinshi deńgeıli bankterdiń turǵyn úıdi nesıeleý tetikteri arqyly júzege asyrylady. Nysandardy bólý kezek nómirine sáıkes júrgiziledi.

Tolyq sharttarmen silteme arqyly tanysýǵa bolady.

Aıta keteıik, Qostanaı oblysynda ormandaǵy aǵashty zańsyz keskender ustaldy.