Qostanaıda jedel járdemge sebepsiz qońyraý shalǵan jetkinshekter ustaldy
QOSTANAI. QazAqparat – Qostanaı oblysynda jedel járdem qyzmetine negizsiz birneshe qońyraý shalyp, call-ortalyqtyń jumysyna kedergi jasaǵan jetkinshekter tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«Jedel-izdestirý barysynda polıtsııa qyzmetkerleri jedel járdem stantsııasynyń «103» jelisiniń call-ortalyǵyna qońyraý shalǵandardy anyqtady. Olar Qostanaı aýdanynyń kámelet jasyna tolmaǵan 4 jetkinshegi bolyp shyqty. Kámeletke tolmaǵandarmen profılaktıkalyq áńgime ótkizildi»,- dep málimet berdi polıtsııanyń baspasóz qyzmetindegiler.
Jasóspirimderdiń teris qylyǵy úshin olardyń ata-analaryna qatysty «Arnaıy qyzmetterdi kórineý jalǵan shaqyrý» baby boıynsha ákimshilik hattama toltyryldy.
